Mensahe di Gospel
– Por fabor lesa lo siguiente:
Gen 1:1 | Na prinsipio Dios a krea e shelunan i tera. |
Rom 3:23 | pasobra tur a peka i ta falta e gloria di Dios |
Huan 8:34 | Hesus a kontestá nan: “Di bèrdat, di bèrdat, Mi ta bisa boso, ken ku kometé piká ta esklabu di piká. |
Dios a krea nos, pero nos no konosé Dios y nos ta separá di Dje dor di e hecho ku nos ta pekador. Nos bida sin Dios no tin nifikashon ni propósito E konsekuensha (e preis ku nos ta paga) di nos pika ta morto, tantu spiritual y físiko. Morto spiritual ta nifiká separá nos mes for di Dios. Morto físiko ta enserá putrimentu di e kurpa. Si nos muri den nos pika, nos lo wòrdu separá eternamente for di Dios y nos lo kada den fièrnu. Kon nos por skapa di nos pikanan y bai bek serka Dios? Nos no por skapa nos mes paso no ta posibel pa un pekador salba su mes (meskos den e kaso ku un hende ku ta hogando no por salba nan mes). Tampoko otronan por salba nos paso nos tur ta pekador (un hende ku ta hogando no por skapa un otro ku tambe ta hogando, tur dos mester di asistensha). Nos mester di unu ku no tin pika (ku no ta hogando) pa salba nos di nos pikanan. Solamente un hende sin pika por salba nos. Kon nos por haya un hende sin pika den un mundu pekador, kaminda tur hende a peka?
Rom 6:23 | Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor. |
Huan 3:16 | Pasobra Dios a stima mundu asina tantu, ku El a duna Su Yu unigénito, pa ken ku kere den djE no bai pèrdí, ma tin bida etèrno. |
Mateo 1:23 | “Ata, e birgen lo sali na estado, i lo haña un Yu hòmber, i nan lo dun’E e nòmber Emanuel,” ku tradusí ta nifiká: “Dios ku nos.” |
Huan 8:23 | I El a bisa nan: “Boso ta di aki bou, Ami ta di ariba; boso ta di e mundu aki, Ami no ta di e mundu aki. |
Marko 1:11 | I a sali un bos for di shelu: “Abo ta Mi Yu stimá, den Bo Mi tin goso.” |
Huan 8:36 | Pesei si e Yu hasi boso liber, di bèrdat boso lo ta liber. |
Huan 3:3 | Jesus a kontestá i a bis’é: “Di bèrdat, di bèrdat, Mi ta bisabo, si un hende no nase di nobo, e no por mira e reino di Dios.” |
Huan 1:12 | Ma tur esnan ku a risibiE, na nan El a duna e derecho pa bira yunan di Dios, esnan ku ta kere den Su nòmber, |
Dios, ku a krea nos y stima nos masha hopi mes, a duna nos e solushon. For di su amor inmenso pa nos, E la manda Su Úniko Yu, Hesus, pa muri pa nos pikanan. Hesus no tin pika paso E no ta mundu y estando riba mundu, a vense e tentashon di diabel pa peka. Su bida a komplasé Dios den shelu. Hesus a tuma nos pikanan y a muri na krus pa nos pikanan. E ta e salbador di nos pikanan (Hesus ta kapas na salba nos paso e No tabata hogando). E propósito di Hesus di muri na krus ta pa paga e preis di nos pikanan y dor di esaki kita nos pikanan for di nos y restorá nos relashon kibra ku Dios. Nos ta wòrdu rebibá for di morto spiritual (separá for di Dios) atraves di e poder di Dios. E relashonnan nobo aki ta wòrdu yamá renasementu. Esaki ta restorá nos bek na nos propósito di kreashon y ta duna nos e nifikashon y propósito real pa biba.
Huan 11:25 | Hesus a bis’é: “Ami ta e resurekshon i e bida; esun ku kere den Mi lo biba, maske e muri, |
Rom 6:9 | sabiendo ku Cristo, siendo lantá for di e mortonan, lo no muri nunka mas; morto no tin dominio mas riba djE. |
Echonan 2:24 | I Dios a lant’E, poniendo un fin na e agonia di morto, komo ku tabata imposibel pa E keda tení den su poder. |
Rom 14:9 | Pasobra pa e motibu aki Kristu a muri i a bolbe biba, pa E por ta Señor, tantu di e mortonan komo di e bibunan. |
Echonan 1:11 | kendenan tambe a bisa: “Hòmbernan di Galilea, pakiko boso ta para wak na shelu? E Jesus aki, Kende a wòrdu tumá for di boso na shelu, lo bolbe di e mesun manera ku boso a mir’E ta bai shelu.” |
Kua ta e evidensia ku e sakrifisio di Hesus, muriendo pa nos pikanan, a wòrdu aseptá for di Dios den shelu? E evidensia ta e resurekshon di Hesus di morto dor di Dios. Dor di resurekshon, ta proba ku Hesus a vense morto (o, den otro palabra, morto no tin poder riba Dje). Pesey, awor, dor ku Hesus ta bibu, nos ta bibu tambe. Su bida den nos ta duna nos bida. Y tambe E la resusitá, E ta bibu awe.
Huan 5:24 | “Di bèrdat, di bèrdat, Mi ta bisa boso, esun ku tende Mi palabra i kere Esun ku a mandaMi, tin bida etèrno, i no ta bin na huisio, ma a pasa for di morto pa bida. |
Huan 10:9 | Ami ta e porta; si un hende drenta dor di Mi, e lo ta salbá, i lo drenta i sali i haña yerba bèrdè. |
Huan 14:6 | Jesus a bis’é: “Ami ta e kaminda, i e bèrdat, i e bida; ni un hende no ta bin serka e Tata, sino pa medio di Mi. |
Huan 8:24 | Pesei Mi a bisa boso ku boso lo muri den boso pikánan; pasobra si boso no kere ku ta Ami t’E, boso lo muri den boso pikánan.” |
Echonan 4:12 | I no tin salbashon den ningun otro; pasobra no tin bou di shelu ningun otro nòmber ku a wòrdu duná na hende, pa medio di kual nos mester wòrdu salbá.” |
Rom 10:13 | pasobra: “Ken ku invoká e nòmber di SEÑOR lo ta salbá.” |
Rom 10:11 | Pasobra Skritura ta bisa: “Ken ku kere den djE lo no keda brongosá.” |
Rom 2:11 | Pasobra no tin distinshon di persona serka Dios. |
Rom 3:22 | esta, e hustisia di Dios pa medio di fe den Jesu-Cristo pa tur esnan ku ta kere; pasobra no tin distinshon; |
Rom 10:9 | ku si bo konfesá ku bo boka Jesus komo Señor, i kere den bo kurason ku Dios a lant’E for di e mortonan, lo bo ta salbá; |
Kon nos pikanan por wòrdu kita y haña e bida nobo aki? Dor di kere den Hesus komo nos Señor y Salbador. Si nos repentí di nos pikanan y pidi Hesus pa pordoná y salba nos, E lo hasi esaki. Hesus ta e Yu di Dios ku a bini na e mundu aki pa muri pa nos pikanan. Kualkier persona riba e mundu aki ku pone nan konfiansa den Dje lo risibí pordon di Dios, lo wòrdu salba di su pikanan (y fièrnu) y risibí e bida nobo di Dios. Dios no ta demostrá ningun parsialidat. E no ta wòrdu influensha dor di – e pais kaminda nos ta biba, e idioma ku nos ta papia, riku o pober, muhé o hòmber, o kualkier otro diferensha físiko. Tur ku ta kere y konfia den Hesus, lo wòrdu salba. Esaki ta un orashon ku bo por usa si bo disidí di sigui Hesus:
Dios den shelu, danki pa a manda Bo úniko Yu, Hesus, pa muri pa nos pikanan pa asina mi por wòrdu salba y risibí bida nobo den shelu. Mi ta repentí di mi akshonnan y mi ta pidi pordon pa mi pikanan. Mi ta kere den Hesus y risibí Hesus komo mi Señor y Salbador. Yudami y guiami pa asina mi por biba un bida ku ta agradábu, den e bida nobo aki ku Bo a dunami. Amèn
Si bo a lesa e orashon ariba menshoná, pidi Dios pa guiabu pa bo bai un iglesia. Papia ku Dios den orashon frekuentemente y Dios lo papia kubo. Skucha e bos di Dios. Dios lo guiabu. E stimabu y lo kuidabu. Bo por konfia den Dje. E no ta faya ku esnan ku ta konfia den Dje. Dios ta un bon Dios. E por wòrdu konfia. Bo por dependé riba Dje ku bo bida. Hiba bo nesesidatnan pe. E ta kuidabu y lo bendishonábu. Dios a bisa, ‘Nunka lo mi bandonábu’. Konfia den Dios. Sea bendishoná atraves di Hesus.
Lesa bo beibel regularmente, kuminsando ku skrituranan di Huan. Pa mas rekursonan riba Internèt, klik aki.