print-logo2
A+ A-

Jesuh Thawngtha | Gospel in Chin

pdf

Thawngtha Bia

–  zangfahte in a tanglei hi rel hna:

Gen 1:1 A hramthawk ah, Pathian nih van le vawlei a ser hna tik ah,
Rom 3:23 Zeicahtiah mi vialte cu kan sual dih cio ko i Pathian sunparnak kha kan bau dih cio ko.
Johan 8:34 Jesuh nih a thawh hna i, “Biaktak kan chimh hna: a sualmi paoh cu sualnak sal an si.

Kannih cu Pathian sermi kan si, sihmanhsehlaw Amah kha kan hngal lo i kan sualnak ruang ah Amah sin in kan tlau. Pathian lo in kan nunnak nih hin sullam a ngei lo i hmuitinh zong a ngei lo. Kan sual man (man pek ding) cu thihnak a si, thlarau le pumsa thihnak a si.  Thlarau thihnak cu Pathian he i then kha a si. Pumsa thihnak cu pumsa rawh kha a si. Kan sualnak chung ah kan thih ahcun Pathian he zungzal in kan i then lai i hell mei kha kan donghnak a si lai. Kan sualnak chung in zeitindah kanmahte in kan i khamh khawh lai i Pathian sin ah kan kir than khawh lai? Kanmahte in kan i khamh kho lo, zeicahtiah a sualmi pa nih khan amah le amah i khamh khawh a si lo (ti a tlami pa nih amahte in a khamh khawh lo bantuk khi a si). Kan dihlak in a sualmi kan si caah midang zong nih a kan khamh kho hlei lo (ti a tlami pa nih midang ti a tla ve mi kha a khamh kho lo, an pahnih in bawmh an herh). Kan sualnak chung in khamhtu ding ah a sual lomi (ti a tla lo mi) kha kan herh. Sualnak a ngei lomi pa lawng nih a kan khamh khawh. Misual mi lawngte an umnak a sualmi vawlei ah hin zeitindah sualnak a ngei lo mi pa cu kan hmuh hnga?

Rom 6:23 Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak kha a si i cu nunnak cu kan Bawipa Jesuh Khrih he a pehtlaimi nunnak kha si.
Johan 3:16 Cuticun Pathian nih vawlei hi a dawt hringhran caah a Fapa ngeihchunte kha a pek, cucaah Amah a zummi paoh cu an thi lai lo, zungzal nunnak kha an ngei lai.
Matt 1:23 “Ngaknu cu fa a pawi lai i fapa a hrin lai i a min cu Emmanuel a si lai,”… (Emmanuel ti cu Pathian kan sin ah a um, tinak a si.)
Johan 8:23 Cucaah Jesuh nih cun, “Nannih cu hika tanglei vawlei mi hi nan si, kei cu cunglei in a rami ka si. Nannih cu hi vawlei hi nan umnak a si, kei cu a si lo.
Mark 1:11 Cun van in aw pakhat kha a theih i, “Nangmah hi ka fapa dawt cu na si. Na cung ah ka lung a tling ngaingai”, tiah aw nih cun a ti.
Johan 8:36 Fapa nih nannih kha an luatter hna ahcun nannih cu nan luat taktak lai.
Johan 3:3 Jesuh nih cun, “Biatak tein kan chimh: Ahohmanh hrin than a si lo ahcun Pathian pennak kha a hmu kho lai lo,” tiah a leh.
Johan 1:12 Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

A kan sertu Pathian nih cun a kan dawt tuk hringhran, a phi kha a kan pek. Kan ca i a nganmi a dawtnak ruang ah a Fapa Jesuh kha kan ca i thih awk ah a vun thlah. Jesuh cu vawlei in a rami a si lo caah sualnak kha a ngei lo i, vawlei i a um lio ah, sual awk i satan tukforhnak kha a tei. A nunnak nih vancung i a ummi Pathian lung kha a ton. Jesuh nih kan sualnak kha a lak i vailam cung ah khan kan sualnak caah a thi. Amah cu kan nunnak khamhtu a si (Jesuh nih a kan khamh khawh, zeicahtiah ti chung ah a tlami a si lo). Jesuh vailam cung ah a thihnak cu kan sualnak man pekawk ah khan a si, cun kan sin in kan sualnak kha thianh awk le Pathian he kan i pehtlaihnak a rawkmi kha remh than awk ah a si. Pathian thawnnak hmual thawng in thlarau thihnak in nunnak kha kan hmuh (Pathian he i thennak). Hi pehtlaihnak thar hi hrin than timi cu a si. Hi nih hin kan nunnak le ser kan sinak hmuitinh ah khan a kan kirpi i nunnak sullam le nunnak hmuitinh taktak kha a kan pek.

Johan 11:25 Jesuh nih Martha cu, “Keimah hi thawhthannak le nunnak cu ka si. Keimah a ka zummi paoh cu a thih hmanh thi seh law a nung lai.
Rom 6:9 Zeicahtiah Khrih cu thihnak in thawhter a si cang i a thi ti lai lo ti kha kan hngalh –thihnak nih a cungah nawl ngeihnak zeihmanh a ngei ti lo.
Lamkaltu 2:24 Sihmanhsehlaw Pathian nih amah cu mithi hna sin khan a thawhter than, thihnak nih amah cu a tlaih peng khawhnak ding zeihmanh a um lo.
Rom 14:9 Zeicahtiah Khrih a thih i a thawh than cu a nungmi he a thimi he an Bawi si awkah a si.
Lamkaltu 1:11 “Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir than lai,” tiah an ti hna.

Kan sualnak ca i Jesuh raithawinak kha vancung ah Pathian nih a cohlan ko ti hi zei nih dah a langhter? Pathian thawng in thihnak in Jesuh thawhthannak hi tette cu a si. Jesuh nih thihnak a tei ti kha thawhthannak nih a langhter (asiloah, phundang in chim ah cun, thihnak nih a cung ah nawl a ngei lo) Cucaah, atu cu Jesuh kha a nun caah kanmah zong kan nung kho ve. Kan chung i a ummi amah nunnak nih khan nunnak kha a kan pek. Cun, amah cu thihnak in a thawh than caah, tuchun zong ah a nunnak hi a si.

Johan 5:24 “Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.
Johan 10:9 Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.
Johan 14:6 Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.
Johan 8:24 Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.
Lamkaltu 4:12 Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo, “ tiah a ti.
Rom 10:13 Cathiang nih, “Bawipa min a aumi paoh cu khamh an si lai,” a ti bangin a si taktak ko.
Rom 10:11 Cathiang nih, “Amah a zummi paoh cu ningzahnak an ing lai lo,” tiah a ti.
Rom 2:11 Pathian nih cun ahopaoh kha duhdan lo tein an bia a ceih hna lai.
Rom 3:22 Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i theidan ding a si lo.
Rom 10:9 Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai.

Zeitindah kan sualnak hi hloh khawh a si lai i hi nunnak thar hi zeitinah kan hmuh lai? Jesuh kha kan Bawi le Khamhtu i zumhnak thawng in a si. Kan sualnak kha kan i ngaichih i ngaihthiam awk le khamh awk ah Jesuh kha kan auh ahcun, Amah nih a tuah ko lai. Jesuh cu Pathian Fapa kan sualnak ca i thih awk ah vawlei cung ah a rami kha a si. Amah cung ah zumhnak a chiami vawlei mi vialte nih Pathian sin in ngaihthiamnak an hmuh lai, an sualnak chung in khamh an si lai (hell chung in), i Pathian sin in nunnak thar kha an hmuh lai. Amah cu kan umnak hmunhma, kan holh phun, rumnak le sifahnak, nu le pa, mino le tar, asiloah taksa in i dannak dangdang hna nih harsatnak a pe lo. Jesuh kha a zum i a kaa in a chimmi paoh cu khamh an si lai. Jesuh kha zulh awk ah biakhiahnak na ngeih a si ahcun a tanglei thlacamnak bang in thla na cam khawh.

Vancung khua i a ummi Pathian, keimah kha khamh awk le vancung in a rami nunnak thar kha ka co nakhnga, keimah ca i thih awk ah na Fapa Jesuh kha na vun thlah caah na sin ah lawmhnak bia ka chim. Ka sualnak khan ka ngaichih i ka sualnak caah ngaithiam kan hal ko, Jesuh kha ka zumh i ka Bawi le ka Khamhtu ah ka cohlan cang. Nangmah nih na ka pekmi nunnak thar chung ah hin na lung an tongmi nunnak in ka nun nakhnga ka bawm law lam ka hruai ko sawh. Amen.

A cunglei thlacamnak in thla na cam a si ahcun, biakinn ah na pumh nakhnga Pathian sin ah thlacam tuah. Thlacamnak in Pathian kha hmaante in biaruah law Pathian nih bia an ruah lai. Pathian aw kha ngai tuah. Amah nih cun an dawt i an zohkhenh lai. Amah kha na bochan khawh. Amah a bochanmi paoh cu an sung bal lo. Pathian cu a thami Pathian kha a si, bochan tlak Pathian a si. Na nunnak caah Amah cu bochan tlak a si. Amah sin ah khan na herhmi vialte kha ratpi tuah. Nangmah kha an zohkhenh i thluachuah an pek lai. Pathian nih, ‘Kan kal tak lai lo i kan hlaw lai lo’ tiah a ti. Pathian kha i bochan tuah. Jesuh thawng in thluachuakmi si tuah.

Baibal kha hmaante in rel tuah, Johan cauk in i thawk tuah. Internet in thilri tam deuh na duh ahcun, kahi hmat.